വാഗമൺ പോകുന്നവർ ഈ സ്ഥലം കൂടെ ഒന്ന് മനസ്സിൽ വെച്ചേക്കണം | Marmala Waterfall

0

ട്രിപ്പാൻ പോകുവാണ് ??  എങ്ങോട്ടേക്കാണ്????  പ്രേത്യേകിച്ചു ഒരു സ്ഥലംപറയാൻ ഇല്ല.???

അങ്ങനെ ഉച്ചയായപ്പോൾ ഷമീറിന്റെ വിളി വന്നു എവിടാ ഇറങ്ങിയോന്നു ചോദിച്ചോണ്ട്. ഞങ്ങൾ അരമണിക്കൂർ മുൻപേ ഇറങ്ങിയല്ലോ എന്ന് പറയാൻ പോയതാണ് പിന്നെ നല്ല കുഞ്ഞു എന്താ പറയുക എന്നറിയില്ലല്ലോ അതുകൊണ്ട് വേണ്ടാന്ന് വെച്ചു. ഡാ ദേ ഇറങ്ങുവാ എന്ന് പറഞ്ഞു നൈസ് ആയിട്ട് ഫോൺ കട്ട്‌ ആക്കി.പിന്നെ കെട്ടിയോനേം വിളിച്ചു എല്ലാം വാരിക്കെട്ടി ഇറങ്ങി. നേരെ ചേർത്തലയിലേക്ക്

അവിടെയാണ് മുതലാളിയുടെ സാമ്രാജ്യം. ഏതാണ്ട് 1.30 ആയപോളെക്കും ചേർത്തല എത്തി. അവിടെ നുമ്മട പടക്കുതിര സെറ്റ് ആയി നില്പുണ്ടാരുന്നു.???   സത്യം പറയാല്ലോ ട്രിപ്പ്‌ പോയി പോയി ഇപ്പൊ ഷമീറിനെക്കാളും ഇഷ്ടം ഇക്കോ സ്പോട്ടിനോടാണ്. ????   ഇക്കോ സ്‌പോർട് മുത്താണ്

അധികം താമസിയാതെ അവിടെ നിന്നിറങ്ങി തണ്ണീർമുക്കം വഴി ഇടയാഴം കല്ലറ റൂട്ടിൽ കയറി വാഗമൺ ലക്ഷ്യമാക്കി നീങ്ങി.  ഇല്ലിക്കൽ കല്ലിലേക്ക് പോകുന്ന വഴി കഴിഞ്ഞു കുറച്ചു മുന്നോട്ട് നീങ്ങിയപ്പോളേക്കും മർമല വെള്ളച്ചാട്ടത്തിന്റെ ബോർഡ്‌ കണ്ടു.  കൂടെയുള്ളത് രണ്ടും കിറുക്കന്മാരായതു കൊണ്ടും അവിടെ കയറാതെ പോവാൻ പറ്റില്ലല്ലോ. അത്യാവശ്യം നല്ല തിരക്കുണ്ടായിരുന്നു പക്ഷെ അരുവി പോയിട്ട് ഒരു ഉറവ പോലും കാണാൻ പറ്റിയില്ല. അന്ന് വന്നപ്പോൾ കിടു ലുക്ക്‌ ആരുന്നു. നല്ല വെള്ളമുണ്ടായിരുന്നു അടിപൊളി സീൻ ആരുന്നു
കൈയിൽ പഴയ വീഡിയോ നോക്കട്ടെ എന്നൊക്കെ പറഞ്ഞു ആശാൻ തടിയൂരി. പിന്നെ അവിടെ കിടന്ന പാമ്പ് പടം പൊഴിച്ചതു പിടിച്ചു ഫോട്ടോ എടുത്ത് ഞങ്ങൾ സംതൃപ്തരായി. കുറച്ചു പേർ പിന്നെയും മുകളിലേക്ക് കയറുന്നുണ്ടായിരുന്നു. എങ്ങാനും ബിരിയാണി കൊടുത്താലോ ഞങ്ങളും അവരുടെ പുറകെ പോയി

അവിടെ ഒരു വെള്ളച്ചാട്ടത്തിന്റെ വേനൽ എഡിഷൻ ഉണ്ടായിരുന്നു. ഒലിച്ചിറങ്ങിയ ഭാഗത്തു അവിടവിടെയായി വെള്ളം ഖനിച്ചു നിൽക്കുന്നുണ്ടായിരുന്നു പിന്നെ അടിയിലു കുറച്ചു വെള്ളം പാറയിൽ കെട്ടിക്കിടക്കുന്നുമുണ്ട്.

ഈ സമയത്ത് പോകുന്നവർ ആ കെട്ടിക്കിടക്കുന്ന വെള്ളത്തിലൊന്നും ഇറങ്ങാൻ നോക്കരുത് പണി ഉറപ്പായും വണ്ടി വിളിച്ചു വീട്ടിൽ വരും

Watch Full video :

അങ്ങനെ മർമല അരുവി കാണാൻ വന്ന ഞങ്ങൾ കെട്ടിക്കിടക്കുന്ന കുറച്ചു വെള്ളം കണ്ടു യാത്രയാവുകയാണ് സുഹൃത്തുക്കളെ യാത്രയാവുകയാണ്.

അടുത്ത മഴക്ക് ഉറപ്പായും തിരിച്ചു വരും എന്ന് മനസ്സിൽ പറഞ്ഞു ഞങ്ങൾ യാത്രയായി.

പിന്നെ വേറൊരു കാര്യം പല ഒഴിഞ്ഞ മദ്യക്കുപ്പികളും പ്ലാസ്റ്റിക് ബോട്ടലുകളും അവിടെ അലക്ഷ്യമായി വലിച്ചെറിഞ്ഞിട്ട് ഉണ്ടായിരുന്നു. ദയവു ചെയ്തു ഇനി വരുന്നവരെങ്കിലും ഇമ്മാതിരി തെണ്ടിത്തരം കാണിക്കരുത് ????.

ഏകദേശം 6 മണിയോടെ വാഗമൺ എത്തി വാഗമൺ വന്നാൽ മൊട്ടകുന്നിൽ കേറാതെ എങ്ങനാ???

പാസ്സ് എടുത്തുള്ള കുന്നിൽ കയറാതെ അതിനു എതിർവശത്തുള്ള കുന്നിൽ വലിഞ്ഞു കയറി. തെറ്റിദ്ധരിക്കണ്ട പാസ്സ് എടുക്കാനുള്ള മടി കൊണ്ടല്ല സമയം കഴിഞ്ഞു പോയത് കൊണ്ടാണ്.

അവിടെ ഞങ്ങള് മാത്രമേ കാണു നല്ല പ്രൈവസി ഒക്കെ കിട്ടും എന്ന് വിചാരിച് ചെന്നപ്പോ ഒരു ഉത്സവത്തിന്റെ തിരക്ക് ആയിരുന്നു . നീ എവിടാ പരുപാടി അവതരിപ്പിച്ചാലും ഇങ്ങനെയാണല്ലോടാ എന്ന് പറഞ്ഞു ഷമീറിനെ ഒന്ന് നോക്കി.

എന്റെ പ്ലാൻ ആയി പോയി അല്ലാരുന്നേ കാണിച്ചു തരായിരുന്നു എന്ന് പറഞ്ഞു അവൻ ഞങ്ങളേം. ഇരുട്ട് മൂടാൻ തുടങ്ങി ഞങ്ങൾ കുന്നു ഇറങ്ങി
ഇന്നത്തെ ഊര് തെണ്ടൽ കഴിഞ്ഞു. ഇനി വിശ്രമം അടുത്തതായി വേണ്ടത് തല ചായ്ക്കാൻ ഒരു സ്ഥലം. കൂടെ ഞാൻ ഉള്ളതല്ലേ അങ്ങനെ കണ്ണിൽ കാണുന്നിടത്തു കയറാൻ പറ്റില്ലാല്ലോ. അങ്ങനെ അതിനും ഞങ്ങൾ ഉത്തരം കണ്ടെത്തി

Nesta Resort Vagamon

ഏലപ്പാറയിൽ നിന്ന് 10കിലോമീറ്റർ ആണ് ഈ റിസോർട്ടിലേക്ക് ഉള്ളത്. അങ്ങനെ ഒരു 8 മണിയോട് കുടി റിസോർട് എത്തി. അവിടുത്തെ രാത്രിയിലെ അന്തരീക്ഷം തന്നെ നല്ല രസമായിരുന്നു. വലിയ തണുപ്പ് ഇല്ല എന്നാലും അത്യാവശ്യം തണുപ്പ് ഉണ്ട്. പിന്നെ ചീവീടുകളുടെ ശബ്ദം അല്ലാണ്ട് വേറെ ഒരു ശബ്ദവും ഇല്ല. നല്ല ശാന്തമായ അന്തരീക്ഷം.

റൂമുകളും നല്ല വൃത്തിയുള്ളതാണ്.  പിന്നെ റൂമിനോട് ചേർന്നുള്ള ബാൽക്കണി ക്യാമ്പ് ഫയർ എല്ലാം അവിടെയുണ്ട് .
ഒരു പത്തിരുപത്തിയഞ്ചു പേരൊക്കെയുള്ള ഗ്രൂപ്പു ആയിട്ട് വരികയാണെങ്കിൽ. ക്യാമ്പ് ഫയർ ഒക്കെ സെറ്റ് ചെയ്തു പാട്ടൊക്കെ പാടി നല്ല ഒരു അനുഭവമാക്കി എടുക്കാം.

റിസോർട്ടിന്റെ പകൽ കാഴ്ചകളും ബാക്കി യാത്രയും വരും ഭാഗങ്ങളിൽ പറയുന്നതായിരിക്കും.

Leave A Reply

Your email address will not be published.

You cannot copy content of this page